Maestra gikuotan, P20-mil natangag
-A A +AMonday, January 7, 2013
USA ka maestra ang nagpatabang sa kapulisan human gikuot ang iyang pitaka ala 1:30 sa hapon niadtong Dominggo.
Si Anita Piscos Ropero, 39, minyo, usa ka maestra, nagpuyo sa Sampaw, Kapalong, Davao del Norte midangop sa Sta. Ana Police sa pamasin nga mabawi ang iyang salapi nga P20-mil.
Matud ni Ropero nga samtang nangukay siya sa dalang Lizada ning siyudad, iyang namatikdan nga nahanaw na ang iyang kuwarta dihang iyang gikuot ang pitaka sa bulsa.
Pipila ka minuto ang milabay, nakadawat si Ropero og text nga nagpahibalo nga ang pitaka niini naa sa Magsaysay Park.
Giadto sa biktima ang pitaka apan wala na kini sulod gawas lamang sa iyang mga Identification Cards.
Ang biktima igo lang nagpatala sa nahitabo kaniya samtang nangukay dinhi sa siyudad. (Jeepy P. Compio)
Gipatik sa mantalaang SuperBalita Davao Enero 08, 2013.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
