Magsuong drug pusher sikpaw
-A A +ASaturday, January 19, 2013
KIDAPAWAN CITY -- Magsuong drug pusher ang nasignit sa kapulisan alas 7:00 sa gabii niadtong Biyernes didto sa probinsiya sa Cotabato.
Giila ang mga suspek nga sila Louie Banilla, 25, ug iyang igsuon nga si Lonel, 27, mga molupyo sa Barangay Buluan, Pigcawayan.
Sa nakutlo nga taho gikan North Cotabato Provincial Police Office nasayran nga nagpahigayon og buy-bust operation ang mga ginsakpan sa Philippine Drug Enforcement Agency (PDEA) sa Autonomous Region in Muslim Mindanao (Armm) duol sa gipuy-an nila Banilla.
Sa aktong itunol na sa mga suspek ang druga ngadto sa mga asset sa PDEA-Armm, kalit silang giposasan.
Nakuha sa mga dinakpan ang tulo ka gramo sa shabu ug 13 ka heat sealed sachet.
Gikompirma ni PDEA-Armm Regional Director Felimon Ruiz nga ang magsuon, mga lider sa Banilla Drug Group nga naglihok sa Cotabato City, Maguindanao ug North Cotabato.
Gipasaka na ang kasong kalapasan sa Republic Act 9165 o Dangerous Drug Act of 2002 kontra sa mga suspetsado. (Edgardo Fuerzas)
Gipatik sa mantalaang SuperBalita Davao Enero 20, 2013.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
