13 balay naanod sa baha

-A A +A

Monday, January 21, 2013


AYUDAHAN sa lokal nga kagamhanan sa siyudad sa Davao ang tag-iya sa trese ka mga balay nga naanod sa makusog nga tubig-baha niadtong Dominggo.

Kini ang gipahibalo sa City Social Services and Development Office (CSSDO) dihang gipakisayran sa Sun.Star Superbalita kagahapon sa buntag.

Ang maong buhatan nagbutyag nga daghan ang ihap sa mga grabeng naapektuhan sa pagtaas sa lebel sa tubig sa Davao River nga mianod sa mga kagamitan sud sa balay nga anaa namuyo kilid sa suba.

Advertisement

Sa talaan sa CSSDO sukad Dominggo sa gabii, mikabat na sa 9,230 ka mga pamilya kun 34,526 ka mga indibiduwal ang naapektuhan sa baha sulod sa 12 ka mga barangay.

Mga balay naanod sa baha sa Davao

Giingon nga ang trese ka mga balay nga gianod sa kusog nga sulog sa tubig posibleng madugangan pa kini sa musunod nga mga adlaw sanglit padayon pa ang verification sa CSSDO.

Mga pamilyang naapektuhan temporaryong nagpuyo sa 25 ka mga evacuation centers sama sa mga tunghaan.

Gitin-aw karon sa CSSDO nga pinaagi kanila, maayudahan nila ang mga apektadong pamilya og mga nag-unang panginahanglan sud sa balay gikan sa lokal nga gobyerno ning siyudad.

Si CSSDO assistant department head Liwayway Caligdong nagbutyag nga kada adlaw nila i-monitor ang mga naapektuhang pamilya sa ilang mga panginahanglan sanglit maglisod pa kinig sugod sa pamuyo sa nahitabong pagbaha.

"Hatagan nato sila og ayuda sama sa mga gamit sulod sa balay kay wala naman gyud, gipang-anod man sa kusog nga tubig. Kada adlaw sab nato sila hatdan og pagkaon ug tubig kay dili paman na sila maka-recover," suma ni Caligdong.

Sa pag-rescue, maoy butang nga nasuta sa buhatan sa Davao City Disaster Risk Management Coordinating Council (DCDRMCC) ang kakuwang sa mga ekipo nga alang sa emerhinsiya sa tubig sama sa mga rubber boats.

Kini ang nasayran sa Sun.Star Superbalita gikan kang Dante C. Donaire, operation's officer sa DCDRMCC.

"Sa pag rescue nato niadtong Dominggo, nasuta nato nga kuwang gayud ang atong mga water equipment, kuwang atong mga rubber boats, apan nagmalampuson man gihapon kita pinaagi sa tabang sa pipila nga mipagamit sa ilang mga rubber boats," sulti ni Donaire.

Dugang sa CSSDO nga ang lokal nga kagamhanan sa siyudad sa Davao dunay gialukar nga pundo alang ngadto sa mga pamilyang naapektuhan sa pagbaha.

Gipatik sa mantalaang SuperBalita Davao Enero 22, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Davao's front page for October 25, 2014
Sun.Star Jobs
  • SunStar Celebrity
  • Calamity Report
  • ePaper
  • tell it to sunstar
  • Habemus Papam
  • Filipino Abroad
  • Technology
  • Sun.Star Zup!
  • Philippine Polls
  • Festivals
  • Obituary
  • Sinulog
  • Pnoy
  • Pacman blog
  • Sunstar Multimedia
  • goodearth