Tanod giluba, gipusil patay
-A A +ATuesday, January 29, 2013
COTABATO CITY -- Usa ka hepe sa barangay tanod ang namatay human gidunggab ug gipusil alas 6:40 sa gabii niadtong Lunes.
Giila ang biktima nga mao si Jimmy Mantorino, 48, minyo ug molupyo sa Purok 4, Barangay Kalanganan Mother.
Nasayran gikan kang Cotabato City Police Office Director Danny Reyes nga nahitabo ang insidente samtang naglakaw ang biktima paingon sa ilang outpost.
Suma ni Reyes nga gisugat ang biktima sa duha ka wala mailhing tawo dayon gidunggab gamit ang hait nga kutsilyo.
Sa dihang nalup-og na si Mantorino ug naligo sa iyang kaugalingong dugo, gipusil siya sa mga mamumuno gamit ang 12 gauge shotgun.
Patay gilayon ang biktima nga og ubay-ubay nga samad dinunggaban ug pinusilan sa nagkadaiyang parte sa lawas.
Abtik sab nga misibat ang mga mamumuno sakay sa usa ka motorsiklo nga walay plaka paingon sa Datu Odin Sinsuat, Maguindanao.
Personal nga atraso o rido ang anggulo nga giimbestigahan sa otoridad bahin sa pagpatay sa biktima. (Edgardo Fuerzas)
Gipatik sa mantalaang SuperBalita Davao Enero 30, 2013.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
