Magsuon dunay armas gisikop
-A A +ATuesday, February 5, 2013
JOSE ABAD SANTOS, Davao del Sur - Giposasan ang usa ka lalaki human nasakpang nagdala ug armas nga way dokumento gikan sa Commission on Elections (Comelec).
Ang suspek giila ni Police Senior Inspector Elinar Agustin, hepe sa kapulisan sa lungsod, nga mao si Roger Bacali, alyas Entot, hamtong, molupyo sa Sityo Tiyay, Barangay Mangile.
Suma ni Agustin nga nasiplatan nila nga adunay dalang armas ang suspek hinungdan nga giposasan niadtong Lunes.
Nasayran nga apil nga gisikop ang igsuon sa suspek nga si Edlin Bacali human nasayran nga dunay kasong pagpatay.
Si Edlin dunay warrant of arrest gikan sa Regional Trial Court (RTC) Branch 20 nga gipaguwa ni Presiding Judge Lope Calio.
Gipasaka na sa kapulisan ang kasong paglapas sa Presidential Decree 1866 batok sa mga suspek nga gi-amyendahan sa Republic Act 8294 kun Illegal Possesion of Firearms ug Omnibus Election Code.
Gikustodiya na sa kapulisan ang mga suspek human nakumpiska gikan kanila ang maong armas uban ang mga buhing bala.
Mga dinakpan gitakdang ibalhin sa Provincial Rehabilitation Center (PRC) sa lalawigan sa Davao del Sur. (Orlando Dinoy)
Gipatik sa mantalaang SuperBalita Davao Pebrero 06, 2013.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
