7 na tawo patay, 17 angol sa bangga

-A A +A

Saturday, March 2, 2013


KIDAPAWAN CITY - Pito na ang namatay ug 17 ang naangol sa nahitabong aksidente sa kadalanan alas 12:10 sa udto niadtong Biyernes didto sa probinsiya sa Cotabato.

Giila ang mga nakabsan sa kinabuhi nga mao sila Jimmy Ibrahim, Putre Saura, Musa Bacuna, Solaiman Macaindig, Mohammad Sammil Ali, Judy Uy ug Omaira Abutazil.

Samtang samdan sab sila Tintin Castillon, Maifa Esmail, Norhamin Minang, Marina Landasan, Chanadz Marifa, Saddam Lumanda, Elmer Madisay, Randy Corpuz, Chariads Manampan, Ibrahim Dimalunggay, Madjan Ebrahim, Marvin Latosa, Ibrahim Tunggay, Roland Villanueva, Salmon Landasan, Rey Dumaon ug Marfe Hagael.

Gibutyag ni North Cotabato Provincial Police Office Director, Senior Supt. Danilo Peralta nga usa ka depasaherong D4D van nga nagdala sa plaka LHD-715 ug gimaneho ni Mohammad Sammil Ali nabangga sa depasaheroang dyip ug milahos sa bangga sa military truck.

Sumala pa nga ang van gikan sa Parang, Maguindanao ug paingon sa Kidapawan City.

Apan pag-abot niini duol sa tulay sa utlanan sa Barangay Nalapaan ug Barangay Takipan, Pikit Cotabato, misulay og overtake sa usa ka dumptruck ug laing D4D van.

Apan gibanggaan niini ang kasugat nga Lawin Jeep nga dunay plaka MVH-268 ug gimaneho ni Roland Villanueva nga gikan sa Kidapawan City ug paingon sa Midsayap, North Cotabato nga dunay karga nga mga gulay ug silhig nga paypay.

Milapos pa ang van sa pagdaro 6x6 truck nga gipanag-iyahan sa 11th Special Forces Company sa 5th Special Forces Battalion sa Philippine Army.

Gumikan sa kakusog sa impak sa bangga sa van sa duha ka sakyanan nga nagsunod, upat gilayon nga mga pasahero ang on the spot nga napatay.

Kasagaran sa mga nangamatay mga nursing student sa Saint Benedicts College sa Parang, Maguindanao nga paingon sa ilang on the job duty sa Cruzado Hospital sa Pikit, North Cotabato.

Mismo ang drayber sa military truck nga si Sargeant (SGT) Michael Barrientos nagsulti nga kusog gyud kaayo ang dagan sa van nga mibangga sa Lawin Jeep ug milahos pa sa iyang gimaneho nga 6by6 truck.
Mga samaron anaa karon sa Cotabato Regional and Medical Center (CRMC) sa Cotabato City ug North Cotabato Provincial Hospital sa Barangay Amas, Kidapawan City.

Sa kasamtangan, kapulisan sa Pikit nga gipangulohan ni Chief Inspector Jordine Maribojo padayon nga nag-imbestiga sa mangilngig nga aksidente. (Edgardo Fuerzas)

Gipatik sa mantalaang SuperBalita Davao Marso 03, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Davao's front page for August 22, 2014
Sun.Star Jobs
  • Technology
  • Filipino Abroad
  • Philippine Polls
  • Pnoy
  • Sunstar Multimedia
  • Sinulog
  • Habemus Papam
  • SunStar Celebrity
  • Calamity Report
  • Festivals
  • Obituary
  • tell it to sunstar
  • ePaper
  • goodearth
  • Sun.Star Zup!
  • Pacman blog