Lolo gipusil
-A A +AWednesday, March 6, 2013
DIGOS CITY - Gipusil sa mga wa mailhing suspetsado ang usa ka 74-anyos nga lolo luyo sa gipahamtang nga election gun ban.
Ang insidente nahitabo alas 7:00 sa gabii niadtong Martes didto sa Sityo Balalan, Barangay Zone 2, lungsod sa Sta. Cruz, Davao del Sur.
Giila ang biktima nga mao si Francisco Saramillas, minyo, kinsa naigo sa tiil.
Base sa inisyal nga imbestigasyon sa kapulisan, nanihapon niadtong higayona ang biktima dihang kalit nga nibutho ang suspek ug ni-puwesto sa balkon sa balay, dayon nagpabuto.
Ngitngit ang palibot mao nga wa gyud makaila ug makabantay ang biktima sa pag-abot sa suspek.
Maayo na lang kay nadali sa pagdala ang biktima didto sa Davao del Sur Provincial Hospital aron nga katambalan.
Gihimo na sa mga otoridad ang dugang pagpanubay aron masuta ang motibo sa krimen. (Orlando Dinoy)
Gipatik sa mantalaang SuperBalita Davao Marso 07, 2013.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
