2 sibilyan gidagit?

-A A +A

Monday, April 8, 2013


ANG Karapatan Southern Mindanao Region nagpasangil sa militar nga maoy nagdagit sa duha ka sibilyan alas 9:00 sa gabii niadtong Sabado, Abril 6, didto sa Laak, Compostela Valley Province.

Suma sa gipadalang mensahe sa Karapatan sa Sun.Star Davao SuperBalita, nahanaw nga sibilyan mao sila Arnel Rosales, 30, minyo, habal-habal drayber ug iyang pasahero nga si Bona Luzen, 19, dalaga, molupyo sa maong lungsod.

Giingon sa maong pundok nga gikompirma ni Laak Municipal Police Station commander Senior Inspector Estrello Ramiso nga ang duha unang gipresentar sa ilang presinto sa mga sakop sa 60th Infantry Battalion sa Philippine Army.

Advertisement

Gikataho nga human gipresenta ang duha ka mga sibilyan, gidala sab dayon sila sa militar ngadto sa wala masayri nga lugar.

Ang kapulisan nagsulti nga wa sila masayud sa nahimutangan karon nila Rosales ug Luzen.

Nasayran nga ang motorsiklo nga gisakyan sa duha gibilin lamang sa presinto sa Laak Municipal Police Station.

Si Hanimay Suazo sa grupong Karapatan nagbutyag nga padayon pa nilang gisusi ang maong hitabo.

"Amo pang gisubay ang insidente kay nagpatabang na karon ang ilang pamilya sa Karapatan," pahayag ni Suazo sa SuperBalita.

Dihang gipakisayran sa SuperBalita si Police Sr. Supt. Camilo Cascolan, direktor sa Compostela Valley Provincial Police Office, siya nagkanayon nga gidemanda ang duha tungod sa kasong pagpangdagit.

"They are now on inquest proceedings. According to 60th Infantry Battalion, they were positively identified as abductors of Pfc. Jezreel Culango and PO1 Ruel Pasion," sulti ni Cascolan pinaagi sa mensahe sa text.

Sila Culango, sakop 60th Infantry Battalion ug Pasion, sakop sa San Isidro Police Station gisikop New People's Army sa gihimo nilang checkpoint didto sa Mangloy Village, lungsod sa Laak niadtong Enero 17.

Mga biktima gibuhian sa mga rebelde human sa 35 ka adlaw nilang pagkabihag sa mga rebelde.

Si Lt. Col. Llwellyn R. Binasoy, commander sa 60th Infantry Batallion, kinsa nahinabi sa tigsuwat pinaagi sa telepono, nagsulti nga way kamatuoran ang pahayag sa Karapatan.

"There's no truth in their statements," sulti ni Binasoy.

Iyang giklaro nga naharang sila Rosales ug Luzen sa ilang gilusad nga checkpoint didto sa Laak, Compostela Valley Province, alas 2:30 sa hapon niadtong Sabado.

"We invited them for custodial inquiry kasi marami silang dalang mga gamit nga ginagamit ng mga NPA," sulti ni Binasoy.

Dihang nasiplatan ni Pfc. Culango ang duha, suma sa opisyal, positibo silang gitudlo nga maoy nagdagit kaniya uban ni PO1 Pasion.

"They were positively identified by Pfc. Culango so we filed a case against them before the Provincial Prosecutor's Office," dugang ni Binasoy. (AD)

Gipatik sa mantalaang SuperBalita Davao Abril 09, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Davao's front page for November 28, 2014
Sun.Star Jobs
  • Filipino Abroad
  • Obituary
  • Philippine Polls
  • Sinulog
  • Sunstar Multimedia
  • Calamity Report
  • goodearth
  • ePaper
  • Sun.Star Zup!
  • Technology
  • Habemus Papam
  • Festivals
  • tell it to sunstar
  • Pacman blog
  • Pnoy
  • SunStar Celebrity