Midaug nga konsehal gipusil, patay

-A A +A

Monday, May 20, 2013


DAVAO ORIENTAL -- Human giproklama nga numero unong konsehal sa lungsod, usa ka lider sa Akbayan party-list ang gipatay sa wa mailhing mamumuno alas 7:45 sa gabii niadtong Dominggo.

Ang pagpamusil nahitabo didto sa Barangay Tibanban, lungsod sa Governor Generoso, Davao Oriental.

Namatay mao si Councilor-elect Romie Almacin, 44, minyo, nagpuyo sa Kumintang, Barangay Tibanban.

Si Ana Shiera Mae Almacin, anak sa biktima, nagbutyag sa Sun.Star Superbalita kagahapon pinaagi sa tawag sa telepono nga namatay ang iyang amahan tungod sa samad pinusilan sa liog ug likod.

Sumala niya, mga alas 7:28 sa gabii nanawag sa cellphone ang iyang amahan ug nagpahibalo nga didto siya matulog sa ilang balay sa Bangayan, Barangay Don Aurelio Chicote.

Dugang niya nga pipila ka minuto ang nakalabay, gipahibalo nalang sila nga gipatay na ang biktima.

Base sa imbestigasyon sa kapulisan, samtang nagsakay sa iyang motorsiklo ang biktima, giatangan siya sa unom ka mga tawo nga sakay sa tulo ka motorsiklo.

Way daghang pangutana, sumala sa report, gipusil ang biktima sa makadaghan nga higayon gamit ang .45 kalibre nga pistola hangtud namatay.

Si Shiera nagbutyag nga ang katawhan sa ilang lungsod ray nasayod kon unsa ang tinuod nga istorya nganong gipatay ang iyang amahan.

"Everyone knows what is the real story behind the death of my father, even them, who did this to my father is guilty enough," pahayag ni Shiera.

"I don't have to tell what this is all about. The people of Governor Generoso know this very well. Sa mga nagbuhat ani, unta mapasaylo nila ang ilang kaugalingon."

Si Police Senior Superintendent Jose Carumba, direktor sa kapulisan sa Davao Oriental, nagbutyag sa Superbalita nga padayon ang ilang imbestigasyon sa krimen.

"Naka-focus kami sa death threats ng biktima dahil sa kanyang active campaign against illegal drugs," sulti ni Carumba.

Giingon sa maong opisyal nga sa miaging tuig, adunay gilunsad nga operasyon ang kapulisan batok sa notadong tigpayuhot ug druga sa lungsod sa Governor Generoso.

"Si Konsehal Almacin kasi ang nagbigay ng information at nag-witness sa court. Pagkatapos nun, nakatanggap na siya ng mga death threats," dugang ni Carumba.

Laing kasaligan nga tinubdan sa Superbalita nagbutyag nga ang gipadakop sa biktima nga big time drug pusher sa ilang lugar, pag-umangkon sa dakong politiko sa maong lungsod.

Giingon nga sa pagpangampanya sa biktima sa miaging eleksyon, giyagyag niya ang hugot nga kampanya kontra illegal drugs, illegal mining, ug kurapsiyon sa gobyerno.

Ang biktima usa ka regional chairperson sa Local Governance Affairs Committee sa Akbayan party-list. (AD)

Gipatik sa mantalaang SuperBalita Davao Mayo 21, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Davao's front page for August 30, 2014
Sun.Star Jobs
  • Filipino Abroad
  • Pnoy
  • ePaper
  • tell it to sunstar
  • Festivals
  • Technology
  • Obituary
  • Sinulog
  • SunStar Celebrity
  • Pacman blog
  • Sunstar Multimedia
  • Sun.Star Zup!
  • Calamity Report
  • Philippine Polls
  • Habemus Papam
  • goodearth