Asawa nakig-sex sa laing lalaki, giluba sa bana

-A A +A

Tuesday, June 25, 2013


DAVAO CITY -- Usa ka bana ang nagdunggab sa iyang asawa human masakpi nga nakig-sex sa laing lalaki alas 12:40 sa tungang gabii niadtong Lunes didto sa Block 18, Prudential Village, Barangay Daliao, Toril, siyudad sa Davao.

Ang maluibon nga asawa gitago lang sa ngan nga Gina, 28, residente sa Purok 2-A, Upper B-Dampa, Barangay Magtuod, ning siyudad.

Subay sa spot report sa Toril Police Station, nasayran nga gisundan si Gina sa iyang bana nga tawgon lang natong si Kardo, 38, sa dihang nakatimaho kon asa moadto ang asawa.

Advertisement

Gisundan sa bana si Gina nga misulod sa balay sa lalaki nga maoy kulokadidang sa asawa.

Ang lalaki tawgon lang nato nga si Nilo, 38, ug molupyo sa nasampit nga dapit.

Pipila ka minuto ang milabay, gilili sa bana ang kuwarto nga gisudlan sa duruha ug iyang nakita nga nagtagay na sila sa kalipay ibabaw sa kama nga wa nay mga sapot.

Tungod sa kapungot, mikuha og kutsilyo si Kardo ug pinugos nga gibuksan ang pultahan sa kuwarto ug gidunggab ang asawa sa makadaghang higayon.
Si Nilo nga apil nga gidunggab ni Kardo nakalikay sa mga hansak sa kutsilyo.

Sumala pa nga daling gitabang si Gina ug gidala sa Mediquest Hospital sa Lizada, Toril patambalan ang nahiaguman niyang mga samad sa lawas.

Sa uwahing katikaran, luwas na ang asawa sa makuyaw nga kahimtang.

Boluntaryo sab nga mitahan sa kaugalingon ang bana ngadto sa Toril Police Station.

Samtang gipangita na sab karon sa mga opisyal sa barangay ug sa kapulisan si Nilo nga milayas human sa hitabo. (Jeepy P. Compio)

Gipatik sa mantalaang SuperBalita Davao Hunyo 26, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Davao's front page for October 21, 2014
Sun.Star Jobs
  • Festivals
  • tell it to sunstar
  • Pacman blog
  • ePaper
  • Sunstar Multimedia
  • Pnoy
  • Filipino Abroad
  • SunStar Celebrity
  • Obituary
  • Habemus Papam
  • goodearth
  • Technology
  • Calamity Report
  • Sun.Star Zup!
  • Philippine Polls
  • Sinulog