DavSur walay hulga sa MNLF

-A A +A

Wednesday, September 11, 2013


DAVAO DEL SUR -- Way namatikdang hulga gikan sa mga sakop sa Moro National Liberation Front (MNLF) ang kapulisan ug militar human sa nasinating tensyon didto sa Zamboanga City.

Giklaro ni Lieutenant Colonle Norman Zuniega, commander sa 39th Infantry Batallion, nga di angayan nga mabalaka ang katawhan sa MNLF sa lalawigan.

"Since the crisis in Zamboanga has started there was no threat so far in the whole province," asoy ni Zuniega.

Gikanayon ni Zuniega nga di sab kinahanglan nga makigtagbo sila sa mga lider sa MNLF tungod kay nisalig siya sa peace agreement nga natigayon niadtong tuig 1996.

Sa samang katikaran, si Superintendent Querobin Manalang, Digos City Police director, nagkanayon nga iya nang gipakatag ang mga pulis sa tibuok dakbayan.

Suma niya nga ila kining gihimo aron malikayan nga sakyan sa mga dautang elemento ang kaguliyang sa Zamboanga.

Matud niya nga posibleng molihok ang mga rebeldeng New People's Army (NPA) aron mohimo'g pagpanabotahe.

Alerto sab ang kapulisan human gihandum lukop kalibutan ang 9/11 attack didto sa Estados Unidos kagahapong adlawa.

Sa laing bahin, dako ang pasalamat ni Manalang human sa malampusong selebrasyon sa ika-13 anyos nga Araw ng Digos City niadtong Dominggo.

Luyo sa mga hulga sa terorismo, nahuman ang selebrasyon nga malinawon tungod sa hugot nga seguridad ug pagdili nga makasud ang mga backpacks nga bitbit sa katawhan nga mitambong sa kalingawan.

Bisan si Senior Superintendent Ronaldo Llanera, provincial police director, nagbutyag nga nagpabiling malinawon ang Davao del Sur sukad miulbo ang krisis sa Zamboanga.

Sa Davao del Sur adunay kapin 1,000 sakop ang MNLF diin aduna silay training ground nga gimuntar didto sa lungsod sa Malita, Davao del Sur. (Orlando Dinoy)

Gipatik sa mantalaang SuperBalita Davao Septembre 12, 2013.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Davao front page for July 30, 2014
Sun.Star Jobs
  • goodearth
  • Obituary
  • Filipino Abroad
  • Sunstar Multimedia
  • Philippine Polls
  • Sinulog
  • Sun.Star Zup!
  • Calamity Report
  • Festivals
  • ePaper
  • Pnoy
  • Pacman blog
  • Technology
  • tell it to sunstar
  • Habemus Papam
  • SunStar Celebrity