Duterte - Roxas sa 2016 eleksyon?

-A A +A

Monday, July 7, 2014


NAGHISGUT kaha sila Mayor Rodrigo R. Duterte ug Department of Interior and Local Government (DILG) Secretary Mar Roxas labot sa umaabot nga 2016 national elections?

Gawas sa "terror attack", si Duterte kagahapon nagsulti sa iyang programa sa telebisyon nga si Roxas mianhi sa siyudad sa Davao niadtong Hunyo 29 alang sa lain nga katuyoan.

Apan, si Duterte nagdumili na nga isulti ang detalye sa ilang nahisgutan.
"Amo lang nang duha. Dili pud babae kay tua man sa Manila si Korina (Sanchez)," sulti ni Duterte.

"But he was here aside from the meeting that we had," dugang sa mayor.
Apan, si Duterte nagsalikway nga dunay "Duterte-Roxas tandem" nga gitrabaho karon.

"The equation does not work. There is no chemistry because I simply do not want to be president or become vice president. I simply want to be mayor of Davao City and retire when the time comes," sulti ni Duterte.

Siya nagbutyag nga si Roxas wa nagkinahanglan og bisan unsang publisidad aron mahimong ilado ug magpreparar sa 2016 presidential elections.

"Dili na niya na kinahanglan. Ang pangalang Roxas humot gyud na," sulti niya.

Si Roxas natawo niadtong Mayo 13, 1957, sa Manila, Philippines ni Judy Araneta nga taga Bago City, Negros Occidental ug Gerardo Roxas (1924-1982) nga taga Capiz.

Ang amahan ni Roxas kanhi senador (1963-1972), ug nag-inusarang anak lalaki ni Manuel Roxas, ang unang presidente sa Third Philippine Republic, ug ni Trinidad de Leon.

"Dili man na moingon nga once you lost in an election, mobaho ka na. So Mar, pwede pa. Maningkamot lang siya. He can still be the president of this Republic. So with Binay and everybody else," sulti sa mayor.

Si Sen. Franklin Drilon nagsulti nga si Roxas maoy kandidato sa Liberal Party sa 2016 presidential election.

Si Roxas maoy kandidato pagka-bise presidente sa Liberal Party sa 2013 elections, apan napildi ni Vice President Jejomar Binay sa United Nationalist Alliance political party. (Arianne Caryl N. Casas)

Gipatik sa mantalaang SuperBalita Davao Hulyo 07, 2014.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Davao's front page for September 3, 2014
Sun.Star Jobs