8 suspek sa 'pangayaw' gikasohan | SunStar

8 suspek sa 'pangayaw' gikasohan

Time to read
less than
1 minute
Read so far

8 suspek sa 'pangayaw' gikasohan

Monday, March 20, 2017

MATANAO, Davao del Sur -- Walo ka mga suspek sa “pangayaw” sa tribung B'laan ang gikasohan sa kapolisan niadtong Byernes, Marso 17.

Nahitabo ang krimen didto sa Barangay Saub, Mayo 23, 2016.

Si Police Chief Inspector Yancee Butch Golocan, hepe sa Matanao Police Station, maoy nag-asoy niini labot sa nahitabo sa biktima si Florentino Sumale de Manuel, 51, minyo, molupyo sa lugar.

Nagbarog niadtong higayona ang biktima duol sa balay ni Sammy Dialoring dihang gipusil ni Kagawad Dominaldo Gulaya, alyas Ta, kuyog ang laing usa ka Ricardo Gulayda gamit ang 12-gauge shotgun.

Nahiagom ang biktima og mga samad pinusilan sa nagkadaiyang bahin sa lawas mao nga wa na matabang sa mga doktor paghidangat sa Davao del Sur Provincial Hospital.

Gisulti ni Golocan nga kasong murder ang gipasaka batok nila Dominaldo Gulaya, Ricardo Gulayda, Jeckroy Dazan, Mat Pandoy, Yol Pandoy, Dong Pandoy, Ricky Dianga, ug Ram Pandoy ngadto sa Provincial Prosecutors Office pinaagi sa regular proceedings.

"Hindi kasi sila na-settle sa tribu kaya nauwi sa regular filing," sulti ni Golocan.

Gilayong gidoket ni Deputy Provincial Prosecutor Roy Cabardo ang kaso apan wa na igkita sa lugar ang mga suspek. (OBD)

Gipatik sa mantalaang Superbalita Davao Marso 20, 2017.

View Comments