Anak sa pulis gimolestiya sa NPA? | SunStar

Anak sa pulis gimolestiya sa NPA?

Time to read
less than
1 minute
Read so far

Anak sa pulis gimolestiya sa NPA?

Monday, March 20, 2017

GIMOLESTIYA ang usa ka 15-anyos nga babaye nga anak sa pulis sa nagpailang sakop sa New People’s Army (NPA) niadtong Dominggo sa kadlawn, Marso 19, didto sa Sitio Tambak, Barangay Baculin, Baganga, Davao Oriental.

Si Baganga Municipal Police Station Chief Marcialito Batingana nagbutyag nga kalit lamang nanuktok ug misaka sa balay ang usa ka wala pa mailhing lalaki ug gipahimas ang iyang kinatawo sa 15-anyos dayon mikumot ang lalaki sa dughan sa biktima.

“Misulod ang lalaki ug alleged nga gipagunitan iyang kinatawo ug dayon gikumot ang dughan sa 15-year-old,” sulti ni Batingana nga nahinabi sa SuperBalita niadtong Lunes pinaagi sa telepono.

Ang katabang sa balay nga si Mercy (bansagon gitago), 46, nga maoy kauban niadtong oras sa 15-anyos sud sa balay, nagbutyag nga ang lalaki nakasuot og itom nga t-shirt, nakakalo ug naka-facemask dayon nanuktok kini dayon daling misulod sa balay.

Ang lalaki namulong kanila nga di magsaba ug nagpaila kining miyembro sa NPA.

Subay sa sumbong sa 15-anyos ngadto sa imbestigador nga misulod ang lalaki sa iyang kuwarto ug pugsanong gipadulaan kaniya ang kinatawo sa lalaki ug taud-taod gihimas ang iyang dughan.

Human nalipay ang lalaki sa iyang gihimo, gikuha niini ang .22 nga pusil, mga alahas, kuwarta, ug duha ka flat screen nga TV nga gitabangan og dala sa mga lalaki nga naghulat gawas sa balay.

Giingong usa ka pulis ang ginikanan sa 15-anyos nga nadestino sa General Santos City.

“Padayon ang atong gihimong imbestigasyon sa maong hitabo aron atong maila ug masikop ang suspek sa krimen,” panapos ni Batingana.

Gipatik sa mantalaang Superbalita Davao Marso 21, 2017.

View Comments