Kaso sa VAWC, taas sa lugar nga daghang tawo | SunStar

Kaso sa VAWC, taas sa lugar nga daghang tawo

Time to read
less than
1 minute
Read so far

Kaso sa VAWC, taas sa lugar nga daghang tawo

Monday, March 20, 2017

ANG Integrated Gender and Development Division (IGDD) sa City Mayor’s Office nakatala og taas nga ihap sa mga kliyente nga biktima sa violence against women and children (VAWC) sa daghang mga tawo nga lugar sa dakbayan sa 2016.

Base sa talaan sa IGDD, ang Talomo District dunay pinakataas nga ihap sa mga natala nga kaso nga dunay 320, gisundan sa Buhangin nga dunay 229, ug Poblacion District nga dunay 140 ka mga kaso.

Ang labing ubos nga ihap nga natala nga kaso sa Paquibato District nga dunay tulo, Marilog District, 21, ug Baguio District, 22.

Mayorya sa mga kliyente way trabaho nga dunay 526 ka mga kaso, pribadong empleyado nga dunay 281 ka mga kaso ug self-employed nga dunay 169 ka mga kaso.

Minyo nga kababaihan ang naglangkub sa dakong pahat sa kliyente nga dunay 650 nga gisundan sa dalaga nga 438 ka mga kliyente.

Usab natala ang taas nga VAWC nga kaso naglakip sa college graduates nga dunay 615 ka mga kliyente nga gisundan sa high school graduates nga dunay 372 ka mga kaso.

Mga porma sa abuso mao ang economic abuse nga dunay 901 ka mga kaso, gisundan sa psychological/emotional abuse nga dunay 477 ka mga kaso ug physical abuse nga dunay 269.

Si IGDD head Lorna Mandin nagdasig sa daghang pagtuon aron masuta nganong daghan ang nagtaho sa ilang buhatan imbes sa barangay na moreklamo.

Gipatik sa mantalaang Superbalita Davao Marso 20, 2017.

View Comments