Na-upload og sex video naghikog | SunStar

Na-upload og sex video naghikog

Time to read
less than
1 minute
Read so far

Na-upload og sex video naghikog

Monday, March 20, 2017

COTABATO CITY -- Patay ang usa ka ulitawo human siya naghikog alas 11:00 sa buntag niadtong Sabado didto sa dakbayan sa Cotabato.

Giila ang biktima nga mao si Ronald, 19, ulitawo ug molupyo sa Barangay Rosary Heights 2, Cotabato City.

Matud ni Cotabato City Police Director Senior Superintendent Victor Valencia nga gidakop si Ronald gumikan sa pagmolestiya niya sa iyang dalagita nga uyab unya gipakatag pa sa social media ang ilang video samtang gilamoy sa babaye ang kinatawo sa ulitawo.

Gumikan sa reklamo sa ginikanan sa menor de edad, gidakop si Ronald ug gibalhog sa prisohan sa Divisoria Police Station.

Apan nadiskubre na lamang kini sa mga kauban nga patay na sulod sa comfort room gamit ang iyang malong.

Dako ang pagtuo sa pamilya nga posibleng naghikog ang biktima gumikan wala na siya maka-agwanta sa sobrang kaulaw sa iyang gihimo ngadto sa iyang uyab.

Naghangyo sab si Valencia ngadto sa mga barkada sa ulitawo nga ihunong na ang pagpakatag sa video sa social media.

Sa kasamtangan, ang kapolisan sa Cotabato City ang padayon nga nag-imbestiga aron masiguro nga walay foul play sa kamatayon sa ulitawo.

Gipatik sa mantalaang Superbalita Davao Marso 20, 2017.

View Comments