Publiko giawhag mohatag suhestyon sa Davao truck ban | SunStar

Publiko giawhag mohatag suhestyon sa Davao truck ban

Time to read
1 minute
Read so far

Publiko giawhag mohatag suhestyon sa Davao truck ban

Monday, March 20, 2017

ANG City Transport and Traffic Management Office (CTTMO) abli sa mga suhestiyon gikan sa mga residente sa pagpatuman sa truck ban sa dakbayan sa Davao.

Si CTTMO Head retired Police Senior Superintendent Dionesio Abude sa pakighinabi kaniya nagsulti nga ang tag-iya sa tindahan nagtaho kung paunsa nakahasol ang mga behikulo nga nag-atang sa ilang agianan tungod sa truck ban.

Si Abude nagsulti nga ilang gidawat ang mga komento tungod kay mao kini ang rason nga nagpatuman sila og experimental truck aron sutaon ang komento sa komunidad.

Siya nagsulti nga kanunay nilang gisubay ang nag-unang epekto sa ban ngadto sa mga komyuter ug kini nakatabang kanila nga maabot sa destinasyon sa insaktong oras.

Si Abude nag-ingon sab nga nagkinahanglan sila kung kini nga reklamo magdesisyon kung duna bay panginahanglan nga ipahunong ang implementasyon sa experimental truck ban.

Ang ban nagsugod gikan Marso 1 ngadto Mayo 21 sa Catalunan Pequeño, Toril, ug Bunawan.

Giingon sa opisyal nga mopaguwa siya og kamanduan pinaagi sa memorandum nga traffic personnel mag-monitor sa lugar sayo sa buntag ug sa hapon.

Sulti niya nga daghang operators karon ang nangayo sa mga rekisitos sa truck ban.

“Maayo ang feedback kay daghan na ang nagaadto sa amoa kay mangayo og requirements para sa exemption,” sulti ni Abude.

Siya midugang nga ang exempted gikan sa ban mao ang nagdala og mga perishable goods, basura sa dakbayan, ug gasolina.

Mga truck nga apil sa mga proyekto sa gobyerno di apil sa ban.

Mga operators kinsa mahimong exempted sa ban kinahanglan mangyo og permission gikan sa CTTMO ug kinahanglan mobayad sa City Treasurers’ Office. (KVC)

Gipatik sa mantalaang Superbalita Davao Marso 20, 2017.

View Comments