Suspek sa lugos nasapon | SunStar

Suspek sa lugos nasapon

Time to read
less than
1 minute
Read so far

Suspek sa lugos nasapon

Monday, March 20, 2017

NEW BATAAN, ComVal Province - Malampuson nga naaresto sa kapolisan ang usa ka ulitawo nga pinangita sa balaod didto sa Purok 2, Barangay Cogonon, alas 6 sa gabii, Sabado, Marso 18.

Ang dinakpan giila nga mao si Francis James Saturinas, 25, nagpuyo sa Purok 2, Barangay Cogonon.

Si New Bataan Municipal Police Station Chief Gerardo Locaylocay maoy nangulo sa Manhunt Charlie Operation batok sa suspek.

Kini human nakompirma sa mga tigpaniid nga milantad sa publiko ang suspek busa gilayong gisilbi ang orden de aresto batok kaniya.

Ang pagdakop sa suspek nahisubay sa orden de aresto nga gipaguwa ni Presiding Judge Cresencia DC Cruz sa Regional Trial Court, 11th Judicial Region, Nabunturan.

Kini subay sab sa kasong pagsupak sa Republic Act 8353 kon Anti-Rape Law of 1997, pinetsahan niadtong Hunyo 15, 2015.

Ang dinakpan giilang Number 9 Most Wanted Person sa dakbayan sa New Bataan.

Prisohan ang gitugpahan sa suspek samtang naghulat sa mosunod nga mando sa korte.

Gipatik sa mantalaang Superbalita Davao Marso 21, 2017.

View Comments