Kagawad gibuk-a'g ulo | SunStar

client = pub-2836569479021745
slot = 1904666714
width =
height =
shape = auto
client = pub-2836569479021745
slot = 9030333913
width = 320
height = 50
shape = auto

Kagawad gibuk-a'g ulo

Time to read
less than
1 minute
Read so far

Kagawad gibuk-a'g ulo

Thursday, April 20, 2017

MARAGUSAN, Comval Province -- Patay na dihang miabot sa tambalanan ang usa ka barangay kagawad human gipusil sa duha ka mga nakamotorsiklo nga mga mamumuno.

Ang insidente nahitabo sa Purok Sampaguita, Barangay Lahi, alas 12:10 sa hapon, Martes.

Biktima giila nga mao si Diosdado Daradar, 58, minyo, kagawad sa Barangay Lahi, Maragusan.

Ang imbestigasyon ni Police Officer 2 Jun Remon Matarab sa Maragusan Municipal Police Station nagkanayon nga usa ka TMX nga motorsiklo, kolor itom ug walay plaka ang mihunong atubangan sa tindahan nga gipanag-iya sa biktima.

Minaug ang duha ka mga sakay sa motorsiklo ug mipalit og sigarilyo sa tindahan sa biktima.

Walay daghang istorya, gipusil sa mga suspek ang biktima tumong sa likod nga bahin sa ulo.

Daling gisapupo ug gidala sa mga kabanay ang biktima ngadto sa Compostela Valley Provincial Hospital-Maragusan apan patay na bag-o niabot sa hospital ni Dra. Glennilyn L. Bantilan, MD.

Mga suspek paspas nga miiktad paingon sa wala matinong direksiyon, lulan sa motorsiklo.

Narekober mga awtoridad ang duha ka basiyo sa kalibre .45 nga pistola gikan sa nahitaboan.

Hangtud sa pagsuwat niining balita, wala pay natumbok nga suspek ang kapulisan ug padayon pa ang imbestigasyon.

Gipatik sa mantalaang Superbalita Davao Abril 21, 2017.

View Comments