SI JUSTICE Secretary Vitaliano Aguirre III nagsulti niadtong Martes, Mayo 9, nga si Presidente Rodrigo Duterte lamang ang makadeklara sa joint venture agreement (JVA) tali sa Bureau of Corrections (BuCor) ug Tagum Agricultural Development Company Inc. (Tadeco) isip ilegal.
Siya nagsulti nga pagdeklara sa maong kasabutan nga supak sa konstitusyon wa sa iyang gahum isip kalihim sa Department of Justice (DOJ).
Miangkon usab siya nga si House Speaker Pantaleon Alvarez naghangyo sa DOJ sa maong deklarasyon.
“I believe it is the President who could declare this as illegal and cancel the contract immediately. However, if the President would not tackle this, then we are going to make a recommendation to BuCor that they should institute appropriate action for the declaration of nullity of this particular contract,” suma sa iyang suwat pamahayag.
Niadtong Mayo 4, si Aguirre miapruba sa pito ka pahina nga summary preliminary fact-finding investigation sa DOJ nga naglatid sa 25-year BuCor and Tadeco JVA nga nagkonbertar sa 5,308 ektaryas sa Davao Penal Colony (Dapecol) nga nahimutang sa Panabo, Davao Del Norte ngadto sa plantasyon sa saging, kapakyas sa pagtuman sa legal nga rekisitos - naghimo sa maong kasabutan nga “null and void.”
“Under the BuCor-Tadeco JVA, the production and profit share of the BuCor in 2016 amounted to only P44,854,726, or a rate of P8,449.83 per hectare per year. Compared to the prevailing lease rates of P10,000 to P18,000 per hectare per year of Tanglaw and Cooperative leaseback rates located in the general area, where the DPFF lands are located, the BuCor-Tadeco JVA appears to be disadvantageous in terms of per hectare rate,” parte sa report nga mabasa.
Ang Tadeco usa ka subsidiary sa Davao-based company ug Floirendo-owned Anflo Management and Investment Corporation.
Ang imbestigasyon, gipangulohan ni Chief State Counsel Ricardo Paras III, gimando sa DOJ subay sa hangyo ni Alvarez niadtong Marso 30.
Si Tadeco president ug cheif executive officer Alex Valoria, sa laing bahin, nagdeklara sa maong findings nga supak sa konstitusyon.
Niadtong Martes, si Valoria mipasabot sa mga magbabalaod sa konstitusyonalidad ug legalidad sa BuCor-Tadeco JVA atol sa joint hearing sa House of Representatives’ Committee on Good Government and Public Accountability ug Committee on Justice sa maong isyu.
Ang presidente sa Tadeco nagklaro nga ang kontrata usa ka JVA, ug di abang ug tenancy agreement, nga maoy basehan sa “erroneous” nga lantugi sa maong kasabutan.
Suma ni Valoria, pinaagi sa Tadeco nakamugna sila og 30,000 ka mga trabaho.
“No one would argue that the land where the Dapecol stands, which is under the BuCor, is a government reservation. Thus, it is inalienable land and cannot be the subject of a lease agreement as stated under RA 1199,” dugang pasabot ni Valoria. (Ace June Rell S. Perez)