6-anyos gilugos, giapatay sa uyoan | SunStar

6-anyos gilugos, giapatay sa uyoan

Time to read
less than
1 minute
Read so far

6-anyos gilugos, giapatay sa uyoan

Wednesday, May 17, 2017

USA ka 6-anyos nga batang babaye kinsa gilugos ug gipatay ang napalgan alas 3:00 sa hapon niadtong Martes sa kasagbutan sa Damosa, Barangay Angliongto, Buhangin District, dakbayan sa Davao.

Ang biktima giila nga si Love-love (bansagon gipatago sa pamilya), 6, residente sa R. Castillo Street, Agdao District.

"Gihulat nato ang autopsy result aron atong masuta ang hinungdan sa kamatayon sa biktima," sulti ni Senior Inspector Noel Villahermosa, hepe sa Sasa Police Station, kagahapon.

Giingong dunay mga lalaki nga nag-inom sa dapit diin ang usa kanila misugo sa biktima nga mopalit og kape apan wala na kini nakabalik niadtong Dominggo, Mayo 14.

Nasayran nga gisundan ang biktima sa nasikop nga suspek nga si Ariosto Ablay Lumayas, 34, minyo, laborer, taga Fairlanes, Damosa.

Human nasikop ang suspek, subay sa pagtudlo sa mga nakakita, gilimod niya ang maong pasangil.

Migula nga dunay mga kaubanan ang suspek nga mihimo sa krimen nga maoy gihimoan og makuting imbestigasyon sa kapulisan.

Alas 12:00 sa udto niadtong Miyerkules nasikop ang usa ka Edgar Joseph Lucero, uyoan sa biktima diin miangkon nga iyang gilugos ang 6-anyos una kini niya gipatay.

Gibalhog ang suspek sa Sasa Police Station.

Gipatik sa mantalaang Superbalita Davao Mayo 18, 2017.

View Comments