Computer nag-over heat, 8 balay ugdaw | SunStar

Computer nag-over heat, 8 balay ugdaw

Time to read
less than
1 minute
Read so far

Computer nag-over heat, 8 balay ugdaw

Friday, May 19, 2017

WALO ka mga balay ang naugdaw samtang duha ka laing balay ang nadamay sa pag-ulbo sa kalayo alas 3 sa kaadlawon, Biyernes sa Lower Madapo, Barangay 8-A, Poblacion, dakbayan sa Davao.

Si Fire Officer 1 Jovannie Ambay sa Bangoy Fire Station nagbutyag nga nagsugod ang sunog sa usa ka internetan nga gipanag-iyahan sa usa ka Josilito Cruz.

Giingong nag-over heat ang unit sa mga computer sa internetan kay 24-oras kining nag-operate nga maoy hinungdan sa pag-spark sa kuryente.

Wa pa gikabutyag ang danyos sa hitabo samtang ang mga nasunogan gilayong giabagan sa City Social Services and Development Office. (Jeepy P. Compio)

Gipatik sa mantalaang Superbalita Davao Mayo 20, 2017.

View Comments