Nanglili sa naligo, gikiha | SunStar

Nanglili sa naligo, gikiha

Time to read
less than
1 minute
Read so far

Nanglili sa naligo, gikiha

Sunday, June 18, 2017

USA ka lalaki ang nag-atubang og kaso sa korte human sekreto siya nagtan-aw sa 15-anyos nga babaye nga naligo sa kaselyas sa Bankerohan sa Davao City duha ka semana ang milabay.

Gidemanda og kasong Unjust Vexation si Almer Alonzaga Flores, residente sa maong lugar.

Sa resolution pinetsahan Hunyo 9, si prosecutor Imee Bisera-Mabale nakakita og probable cause aron idemanda ang akusado sa base sa reklamo sa babaye.

Ang babaye, sa iyang affidavit, nagsulti nga ang insidente nahitabo niadtong Hunyo 6, Martes.

Siya nagsulti nga nabantayan ang lalaki pinaagi sa bangag mao nga iyang gilili sab ug iyang nakita si Flores.

Ang babaye nagsulti nga way laing tawo duol sa bangag gawas sa akusado.

Ang piskalya nagsulti nga bisan ang gihimo sa akusado wa nakapasakit sa nagreklamo, apan ang nakairita ug nakahasol sa biktima. (Ivy C. Tejano)

Gipatik sa mantalaang Superbalita Davao Hunyo 19, 2017.

View Comments