Army ug NPA nag-giyera sa Davao Oriental | SunStar

Army ug NPA nag-giyera sa Davao Oriental

Time to read
less than
1 minute
Read so far

Army ug NPA nag-giyera sa Davao Oriental

Sunday, July 16, 2017

USA ka panag-engkwentro tali tropa sa 28th Infantry Battalion ug 40 ka mga sakop sa New People's Army (NPA) ang nahitabo didto sa Sitio Kirantik, Barangay Marayag, Lupon, Davao Oriental niadtong alas 3:45 sa hapon, Sabado, Hulyo 15.

Ang giyera gikalambigitan sa grupo ni Alyas Do.

Ang engkwentro nahitabo sud sa 20 minutos nga miresulta sa pagkasakmit sa usa ka M14 rifle, usa ka improvised explosive device, usa ka magazine sa M14 rifle, upat ka magazine sa AK 47, singkwenta ka blasting caps, usa rifle grenade, 50 metros nga wire, 100 meter wire, personal nga butang, medical paraphernalia, subersibong dokumento.

Giingon nga ang tropa miadto sa lugar human nadawat impormasyon gikan sa komunidad nga ang NPA nanghasi sa bukiron nga dapit sa Marayag.

Ang engkwentro, suma sa militar, usa ka manipestasyon nga misuporta ang komunidad sa militar aron makigkontra sa NPA.

Suma pa, way sakop sa militar ang naangol sa engkwentro.

Naningkamot karon ang militar nga pakusgan ang programa sa komunidad aron di makasud ang mga NPA diin manghasi sa katawhan sa probinsya. (APD)

Gipatik sa mantalaang Superbalita Davao Hulyo 17, 2017.

View Comments