NPA giangkon ang pagpatay sa babaye sa Cotabato | SunStar

NPA giangkon ang pagpatay sa babaye sa Cotabato

Time to read
less than
1 minute
Read so far

NPA giangkon ang pagpatay sa babaye sa Cotabato

Sunday, July 16, 2017

KIDAPAWAN CITY -- Giangkon sa mga miyembro sa New People's Army (NPA) ang pagpatay sa usa ka babaye niadtong miaging semana didto sa probinsiya sa Cotabato.

Giila ang biktima nga mao si Jocelyn Yala nga taga Sta Cruz, Davao Del Sur.

Sa gipadala nga mensahe sa Guerilla Front Committee 53, ilang gipatay si Yala sa diha nga gitudlo sab siya nga maoy hinungdan sa kamatayon ni Kumander Kiram niadtong bulan sa Mayo.

Sa taho, si Yala kanhi miyembro sa NPA nga mibalik sa sabakan sa balaod ug nahimong Asset sa 39th Infantry Battalion Philippine Army.

Ang biktima maoy naghatag og impormasyon sa militar sa nahimutangan ni Kumander Kiram hinungdan sa iyang kamatayon.

Si Kumander Kiram gibanhigan sa mga armadong kalalakin-an utlanan sa Bansalan Davao Del Sur ug Makilala North Cotabato sa diha nga siya pauli na unta sa President Roxas Cotabato.

Kahinumdoman nga gipatay si Yala sa NPA samtang siya sakay sa iyang motorsiklo atol nga kini mibisita sa iyang mga paryente sa Barangay Greenhills, President Roxas, North Cotabato nga padayon karong giimbestigahan sa kapulisan.

Gipatik sa mantalaang Superbalita Davao Hulyo 17, 2017.

View Comments