3 naangol sa mikuso-kusong buhawi sa Maguindanao | SunStar

3 naangol sa mikuso-kusong buhawi sa Maguindanao

Time to read
less than
1 minute
Read so far

3 naangol sa mikuso-kusong buhawi sa Maguindanao

Friday, August 11, 2017

MAGUINDANAO PROVINCE -- Gikuso-kuso sa kusog nga buhawi ang lima ka mga barangay sa Mother Kabuntalan sa probinsiya alas 4:40 sa hapon niadtong Huwebes, Agosto 10, kon diin tulo ka mga tawo ang gitahong naangol.

Giila ang mga naangol nga sila Brian Sacaneg, Mariam Demato ug usa ka siyam ka bulan nga masuso.

Gibutyag ni Anwar Salik, Municipal Administrator sa Mother Kabuntalan, mga barangay nga gikuso-kuso og buhawi mao ang sa Maitong, Butiren, Upper Taviran, ug Payan.

Moabot og 16 ka balay ug usa ka Madrasah o Arabic School ang giguba niini.

Gidugang ni Salik nga miigo ang buhawi sa lima ka barangay sa Mother Kabuntalan dungan sa makusog nga ulan ug hangin.

Ang mga naangol nadat-ugan sa ilang mga balay nga gikuso-kuso sa buhawi.

Gawas sa pag-igo sa Buhawi nakasinati sab og pagbaha ang Mother Kabuntalan gumikan sa pag-awas sa Rio Grande de Mindanao sa nasinatian nga grabeng pag-ulan.

Nagpaabot na og hinabang ang Maguindanao Peoples Medical Team ug Autonomous Region in Muslim Mindanao-Humanitarian and Emergency Action Response Team sa mga pamilya nga nawad an og mga bay ug mga gibahaan. (Edgar E. Fuerzas)

Gipatik sa mantalaang Superbalita Davao Agosto 12, 2017.

View Comments