Pagpatay sa pulis sa Panabo duna nay 'lead' | SunStar

Pagpatay sa pulis sa Panabo duna nay 'lead'

Time to read
less than
1 minute
Read so far

Pagpatay sa pulis sa Panabo duna nay 'lead'

Friday, August 11, 2017

PANABO CITY -- Duna nay "lead" ang kapulisan sa Panabo City Police Station may kalabutan sa pagbanhig patay sa pulis nga nakadestino sa Paquibato.

Ang pulis gipatay sa Panabo City niadtong Miyerkules sa buntag, Agosto 9.

Kini maoy gibutyag ni Police Office 3 Marlon Careñosa kinsa maoy imbestigador sa kasong pagpatay kang Senior Police Officer (SPO) 2 Orlando Badar.

Hinuon, dihang gihinabi sa SunStar SuperBalita, midumili una siya sa pagbutyag sa mga detalye aron dili masuhong ang gihimong imbestigasyon.

"Naa na mi lead, pero dili usa namo isulti sa public," pamahayag ni Careñosa dihang gihinabi sa Superbalita.

Kahinumdoman nga si SPO2 Badar, 50, minyo, lumulupyo sa Barangay Lunga-og, Sto. Tomas, Davao del Norte, kinsa nakadestino sa Police Station 7 sa Barangay Malabog, Paquibato District, ilalom sa Davao City Police Office sakay sa iyang Honda XR 125 nga motorsiklo, adunay plaka 9635 AZ gikan sa Sto. Tomas.

Apan dihang paghidangat niini sa may Tadeco Road, Purok 2, Barangay Malitbog, Panabo City kalit na lamang kining gipusil sa duha ka mga wala mailhing suspetsado nga nagsakay sab sa kolor itom nga Honda XRM nga motorsiklo samtang laing duha ka mga suspek nga nagsakay usab og kolor pula nga Suzuki Raider nga nagsilbing back up.

Dihang nahulog ang biktima sa iyang motorsiklo, usa sa mga suspetsado ang mikanaug pa ug nagkuha sa pistola sa biktima dayong sibat paingon sa sentro sa Panabo. (Jhun Sucayre)

Gipatik sa mantalaang Superbalita Davao Agosto 12, 2017.

View Comments