PNP chief sekretong namista sa Barangay Bato | SunStar

PNP chief sekretong namista sa Barangay Bato

Time to read
less than
1 minute
Read so far

PNP chief sekretong namista sa Barangay Bato

Friday, August 11, 2017

STA. CRUZ, Davao del Sur -- Sekretong nakigduyog sa selebrasyon sa kapistahan sa iyang yutang natawhan sa Barangay Bato ang pamuno sa Philippine National Police (PNP) sa nasud niadtong Huwebes, Agosto 10.

Hugot nga seguridad ang gipatuman sa kapulisan sa lugar aron bantayan ang Davao-Cotabato national highway sa pag-abot ni PNP Chief General Director Ronald "Bato" Dela Rosa.

Gipamunoan ni Senior Inspector Arnold Absin ang pagmuntar og mga checkpoint sa lugar ilabi na sa ambush area sa Barangay Zone 2 hinungdan nga luwas nga nahiabot ug nakauli ang labing taas nga opisyal sa kapulisan.

Wa gipahibawo ang pagbisita ni Dela Rosa sa ilang kapistahan hinungdan nga nasurprisa ang mga molupyo sa lugar human igkita ang opisyal nga sama sa usa ka artistang gidugokan sa iyang mga silingan.

Hinuon, wa magdugay ang opisyal sa selebrasyon sa kapistahan sanglit daghan pa kining giatiman nga ubang trabaho mao nga mibiya ra sab dayon.

Apan gipamandoan niini ang tanang kapulisan sa probinsiya nga sulbaron ug tinud-on ang kampanya batok illegal gambling ug druga.

Gialerto sab niini ang tanang istasyon batok sa hulga sa mga rebeldeng New People's Army. (Orlando B. Dinoy)

Gipatik sa mantalaang Superbalita Davao Agosto 12, 2017.

View Comments