Kristo sa sabongan giluthang | SunStar

Kristo sa sabongan giluthang

Time to read
less than
1 minute
Read so far

Kristo sa sabongan giluthang

Sunday, August 13, 2017

PIGCAWAYAN, North Cotabato -- Patay ang usa ka kristo sa sabungan sa pagpamusil alas 3:15 sa hapon niadtong Sabado didto sa probinsiya sa Cotabato.

Giila ang biktima nga si Bonifacio Bermudez Seguinte, 59, minyo ug molupyo sa Barangay North Manuangan, Pigcawayan.

Sumala kang Pigcawayan Chief of Police, Chief Inspector Realan Mamon nga samtang sakay ang biktima sa iyang motorsiklo gikan nanabong pauli na sa ilang balay apan pag-abot niya sa Barangay Tubon, kalit lang mibutho ang duha ka tawo nga sakay sa motorsiklo og gipusil kini gamit ang kalibre.45 nga pistola.

Abtik sab nga miikyas ang mga namusil paingon sa hilit nga dapit sa Pigcawayan sakay sa motor.

Gisapupo si Seguinte sa iyang mga kaila ug gidala sa Pigcawayan District Hospital apan gideklara siya dead on arrival.

Ang biktima anaa sa drug watchlist sa kapulisan sa Pigcawayan ug dugay ng gipanid-an.

Gipamahayag sab sa pamilya ni Seguinte nga dugay na kining nagbag-o sa iyang kinabuhi ug wala na magpayuhot sa gidiling druga.

Ang kapulisan sa Pigcawayan blangko pa sa pagpatay sa biktima ug padayon pa silang nag-imbestiga sa krimen. (Edgar Fuerzas)

Gipatik sa mantalaang Superbalita Davao Agosto 14, 2017.

View Comments