Amahan nagluto sa kusina, gipatay | SunStar

Amahan nagluto sa kusina, gipatay

Time to read
less than
1 minute
Read so far

Amahan nagluto sa kusina, gipatay

Monday, August 21, 2017

MAKILALA, North Cotabato -- Usa ka amahan nga nagluto og sayo atol sa birthday sa iyang anak ang gipusil patay sulod mismo sa ilang kusina niadtong Sabado sa kadlawn, Agusto 19.

Giila ang biktima nga si Nestor Sincil, 41, minyo ug molupyo sa Sitio San Nicolas, Barangay San Vicente, Makilala.

Gibutyag ni North Cotabato Police Provincial Office director Senior Superintendent Emmanuel Peralta nga nagluto og sayo ang biktima sulod sa ilang kusina atol sa adlaw nga natawhan sa iyang anak.

Apan kalit lang nga dunay mipusil kaniya nga duha ka mga tawo gamit ang kalibre .45 nga pistola.

Abtik nga nakasibat ang mga suspetsado padulong sa hilit nga dapit sa Barangay San Vicente.

Patay gilayon ang biktima human maigo sa ulo ug dughan.

Wala sab mailhan sa pamilya ang mga suspetsado gumikan kay nagtago sila sa likod nga bahin sa kusina.

Blangko pa ang kapulisan sa motibo sa pagpatay sa biktima ug padayon pa nilang giimbestigahan. (Edgar E. Fuerzas)

Gipatik sa mantalaang Superbalita Davao Agosto 22, 2017.

View Comments