Bomba sa giyera sa Hapon, nakalutan | SunStar

Bomba sa giyera sa Hapon, nakalutan

Time to read
less than
1 minute
Read so far

Bomba sa giyera sa Hapon, nakalutan

Tuesday, September 12, 2017

USA ka dakong vintage bomb ang gikustodiya karon sa Explosive Ordnance Disposal (EOD) sa Davao City Police Office (DCPO) alang sa tukmang disposasyon human nakalutan kini sa backhoe.

Alas 10:30 sa buntag niadtong Lunes usa ka tawag ang nadawat sa Buhangin Police Station kini nagpahibalo ang operator sa backhoe nga si Elmer Ocon nga dunay siya'y nakalutan nga bomba.

Daling miresponde ang EOD-DCPO sa lugar didto sa Sitio Amakan, Barangay Cabantian, Buhangin District, ug gilayong gihiling ang maong bomba.

Nasuta sa EOD nga usa ka UXO vintage bomb (100 Ibs) ang nakalutan nga gituohang maoy gigamit niadto sa ikaduhang giyera sa kalibutan.

Nagpahimangno ang EOD nga kung dunay susama nga makalutan, di gabson ug di gunitan, inay motawag sa awtoridad aron mabutang kini sa tama nga disposasyon.

Gipatik sa mantalaang Superbalita Davao Septembre 13, 2017.

View Comments