583 ka indibidwal gipailawom sa 'Oplan Bulabog' | SunStar

583 ka indibidwal gipailawom sa 'Oplan Bulabog'

Time to read
less than
1 minute
Read so far

583 ka indibidwal gipailawom sa 'Oplan Bulabog'

Thursday, October 05, 2017

ANG Davao City Police Office naglusad sa ilang Oplan Bulabog alas 6:00 kagahapon sa buntag sa pipila ka barangay sa siyudad sa Davao.

Si Police Senior Inspector Ma. Theresita Plaza-Gaspan, spokesperson sa DCPO, nagbutyag sa nga ang operasyon gihimo nila uban sa Task Force Davao, Regional Public Safety Battalion, Philippine Coast Guard 11, Maritime Group 11, mga police stations diin nasakop ang Barpa, Barangay Leon Garcia, Agdao District; Purok 1, Barangay 40-D Poblacion; Sitio Balabag, Ulas, Barangay Talomo Porper; ug Purok 12, Barangay Communal, Buhangin District.

Sa maong operasyon, 583 ka mga tawo ang ilang gipailawom sa profiling, 452 kanila ang dunay identification card ug 131 ang way ID.

Usa kanila ang nasikop nga giilang Jun Mark Balorio Maabong tungod sa kasong Acts of Lasciviousness and other sexual abuse nga gipasaka sa Regional Trial Court Branch 33.

Ang kaso dunay criminal case number 82,063-2015 ug 82,064-2015.

Ang opeasyon natapos alas 8:30 sa buntag kagahapon.

Ang opisyal nagkanayon nga ila kining gihimo aron masikop ang mga tawo nga dunay kaso ug maseguro nga luwas ang siyudad.

Gipatik sa mantalaang Superbalita Davao Oktubre 06, 2017.

View Comments