Sekyu nagpusil sa ulo | SunStar

Sekyu nagpusil sa ulo

Time to read
less than
1 minute
Read so far

Sekyu nagpusil sa ulo

Thursday, October 05, 2017

USA ka security guard ang nagpusil sa iyang ulo ang namatay alas 9:45 sa buntag niadtong Miyerkules didto sa Purok 6, Upper Catitipan, Barangay Communal, Buhangin District, siyudad sa Davao.

Ang biktima giilang si Osmar (bansagon gitago tungod sa hangyo sa kabanay), 34, nagpuyo sa maong lugar.

Base sa spot report sa Buhangin Police Station, ang inahan sa biktima nagbutyag nga kalit lang niya nadungog ang buto sa armas sud sa lawak sa biktima.

Sa iyang pagsusi sa lawak, iyang nakita ang biktima nga naglunang sa dugo mao nga nanawag sila sa otoridad.

Ang pamilya nagbutyag nga dunay gibati nga depresyon ang biktima mao nga nahimo niya ang pagpakamatay.

Dugang nasayran nga naghikog na ang biktima niadtong 2016 apan naluwas ug naghiwa na sab siya sa iyang pulso niadtong unang semana sa Septiyembre ning tuiga.

Giingon nga nagsugod ang problema sa biktima dihang gibuwagan siya sa iyang live in partner nga nag-abroad.

Nakuha sa Scene of the Crime Operatives ang .38 kalibre nga revolver ug duha ka basiyo sa bala.

Ang patay nga lawas sa gihaya sa St. Peter Funeral Parlor sa Panacan.

Gipatik sa mantalaang Superbalita Davao Oktubre 06, 2017.

View Comments