Davao Occidental nangandam na sa ika-2 anyos anibersaryo | SunStar

Davao Occidental nangandam na sa ika-2 anyos anibersaryo

Time to read
less than
1 minute
Read so far

Davao Occidental nangandam na sa ika-2 anyos anibersaryo

Friday, October 06, 2017

NANGANDAM na ang kagamhanang probinsiyal sa Negros Occidental alang sa ikaduhang tuig kasumaran sa kamugnaan sa probinsiya sa Oktubre 28.

Nakigtagbo na si Governor Claude Bautista sa mga sakop sa 73rd Infantry Battalion sa Philippine Army, Davao Occidental Police Provincial Office, ug Provincial Public Safety Battalion diin gihisgutan ang pagpalig-on sa seguridad.

Ang lungsod sa Malita maoy sentro sa mga aktibidades sanglit kini ang kapital nga dapit sa probinsiya.

Adunay lima ka mga munisipyo ang probinsiya nga gilangkuban sa Sta. Maria, Don Marcelino, Jose Abad Santos, Sarangani ug Malita.

Apil sa mga aktibidades mao ang Mutya ng Davao Occidental ug agri-industrial trade fair.

Gidasig ni Bautista ang tanang molupyo nga makisadya sa tanang kalingawan ug moduyog sa selebrasyon.

Gitakdang abrihan ang kasaulogan sa Oktubre 24 sa hapon pinaagi sa usa ka Misa Pasalamat nga pagasundan sa motorkada ug ang programa sa pag-abri sa tanang kalingawan.

Himuon sab ang kulminasyon sa Oktubre 28.

Nasayran nga namugna ang Davao Occidental isip ika-81 nga probinsiya sa nasud pinaagi sa Republic Act 10360 ug giuyunan sa katawhan pinaagi sa plebisito.

Kanhi ikaduhang distrito sa Davao del Sur ang probinsiya apan karon nibarog na sa ilang kaugalingong gobyerno. (Orlando B. Dinoy)

Gipatik sa mantalaang Superbalita Davao Oktubre 07, 2017.

View Comments