Mag-uuma gipatay sa riding in tandem | SunStar

Mag-uuma gipatay sa riding in tandem

Time to read
less than
1 minute
Read so far

Mag-uuma gipatay sa riding in tandem

Friday, October 06, 2017

MONTEVISTA, Compostela Valley -- Patay ang usa ka mag-uuma human siya gipusil didto sa Purok 3, Barangay Canidkid, alas 7:30 sa Miyerkules sa gabii.

Ang biktima giila nga mao si Edwin L. Rosales, 38, taga-Small Tacunan, Tugbok District, Davao City, apan kasamtangang nagpuyo sa Purok 3, Barangay Canidkid, Montevista, sa nahisgutang probinsiya.

Segun sa imbestigasyon sa kapulisan nga ang biktima tua sa iyang balay dihang miabot ang duha ka wala mailhing mga lalaki lulan sa wala matinong motorsiklo.

Walay daghang istorya, gipusil sa mga suspek ang biktima gamit ang wala pa matinong kalibre sa pusil.

Nahiagom og mga samad pinusilan sa nagkadaiyang bahin sa lawas ang biktima nga misangpot sa iyang hinanaling kamatayon.

Mga suspek miiktad paingon sa wala matinong direksiyon lulan sa motorsiklo.

Dihang miresponde ang kapulisan, wala na ang patay'ng lawas sa biktima.

Ang amahan sa biktima nagtugyan sa 16 ka basiyo ug duha ka balinis sa bala sa wala pa matinong kalibre sa pusil ngadto sa kapulisan.

Mga sakop sa Montevista Municipal Police Station padayon nga naglikom og mga impormasyon ingon man ebidensiya alang sa kasulbaran sa krimen.

Ang patay'ng lawas sa biktima gihaya sa Barangay San Jose, Montevista. (Rockyben S. Catisay)

Gipatik sa mantalaang Superbalita Davao Oktubre 07, 2017.

View Comments