Naghikog tungod sa boyfriend | SunStar

Naghikog tungod sa boyfriend

Time to read
less than
1 minute
Read so far

Naghikog tungod sa boyfriend

Friday, October 06, 2017

NAGBITAY nga wala nay kinabuhi ang usa ka 19-anyos nga dalaga human naghikog gamit ang habol didto sa ilang balay sa Purok 8, Barangay 37-D Poblacion, siyudad sa Davao, Martes.

Ang biktima mao si Carla (bansagon gitago sa SuperBalita), 19, dalaga, ug trabahante sa usa ka dakong food chain sa Ilustre Street, siyudad sa Davao.

Subay sa blotter sa San Pedro Police Station, ang biktima napalgan na lang sa ig-agaw niini nga nagbitay sa 2nd floor sa ilang balay.

Giingong gigamit sa biktima ang habol nga gihigot sa iyang liog ug gitali sa ibabaw nga bahin sa kesame ug nagpabitay kini.

Ang Scene of the Crime Operatives walay nakitang foul play sa maong hitabo.

Usa ka suicide note ang nakuha sa crime scene diin nakasinati og depresyon ang biktima human duna silay giingong wa pagsinabtanay sa iyang hinigugma.

Una ang insidente, ang biktima nag post pa kini sa iyang Facebook account og "sweet goodbye to all people," diin miani og mga comments sa iyang mga kahigalaan.

Ang patay nga lawas sa biktima anaa gidala sa Angel Funeral Parlor sa dalang Torres, siyudad sa Davao. (Jeepy P. Compio)

Gipatik sa mantalaang Superbalita Davao Oktubre 07, 2017.

View Comments