Giyera sa Marawi natapos na | SunStar

Giyera sa Marawi natapos na

Time to read
1 minute
Read so far

Giyera sa Marawi natapos na

Tuesday, October 17, 2017

MANILA -- Si President Rodrigo Duterte kagahapon, Martes, mibiyahe ngadto sa Marawi City aron ideklara ang lugar nga nakalingkawas na gikan sa Islamic State (IS) fighters, dul-an lima ka buwan human ang Maute Terror Group nanulong niadtong Mayo 23.

"Ladies and gentlemen, I hereby declare Marawi City liberated from the terrorist influence that marks the beginning of the rehabilitation," suma ni Duterte ngadto sa security forces nga nakig-giyera sa Islamist fighters.

Sayo sa Martes, ang Malacañang miapela ngadto sa mga nabilin nga militante nga tapuson na ang kasamok ug inay mobalik na sa dalan sa kalinaw.

"With terrorist leaders gone, we call on all fighters to cease further resistance and violence and return to the road of peace. This is also the call of our Muslim leaders, our imams, ARMM [Autonomous Region in Muslim Mindanao], MNLF [Moro National Liberation Front], MILF [Moro Islamic Liberation Front] chiefs, and the leaders of Muslim nations. And this is the plea of your family, friends and communities,” suma ni Presidential spokesperson Ernesto Abella.

"Let us restore peace and rebuild our land," dugang niya.

Niadtong Oktubre 16, ang state forces nakapatay sa nahibilin nga lider sa Maute group, Omar Maute ug Abu Sayyaf leader Isnilon Hapilon.

Apan si military spokesperson Brigadier General Restituto Padilla Jr. nagsulti nga ang kamatayon nila Hapilon ug Maute wa nagpasabot nga ang kasamok sa Marawi City natapos na, nagtumbok nga 20 ka indibiduwal ang gidagit sa mga terorista sa ilang duha ka ektarya nga gilubloban.

Si Padilla nagkanayon nga walay nahibilin nga Filipino members sa Maute terror group ang naa nila Hapilon and Maute.

Siya nagkanayon nga 20 ka local ug foreign pro-Islamic fighters ang mibiya sa battle area, lakip na ang financier nga si Dr. Mahmud Ahmad, kinsa gikonsidera sa AFP isip high-value target.

Si Padilla nagkanayon nga Mahmud nanguna sa listahan sa walo ka mga langyaw nga buhi, miabin sa IS-linked terror group.

Dugang ni Padilla nga wa gipadaplin sa gobyerno ang posibilidad nga si Mahmud maoy mapili nga sunod nga extremist leader sa Marawi.

Sa Oktubre 16 lamang, ang ihap sa napatay sa Marawi nisaka sa 1,057, lakip na 847 Islamist gunmen, 163 security troops, ug 47 civilians.

Ang pagpanghasi sa Maute group niadtong Mayo 23 maoy nakapaaghat ni Pangulong Durtete nga ideklara ang Martial Law. (Uban sa report ni Third Anne Peralta-Malonzo)

Gipatik sa mantalaang Superbalita Davao Oktubre 18, 2017.

View Comments