Bangka nalunod; 2 patay, 3 naluwas | SunStar

Bangka nalunod; 2 patay, 3 naluwas

Time to read
less than
1 minute
Read so far

Bangka nalunod; 2 patay, 3 naluwas

Sunday, October 22, 2017

CARMEN, North Cotabato - Duha ka tawo ang namatay samtang laing tulo ang naluwas human nalunod ang bangka nga ilang gisakyan alas 2:20 sa hapon niadtong Biyernes.

Giila ang mga nangamatay nga sila Daniel Nunez, 27, ug Faizal Manggamanan, 21, mga nagpuyo sa Sitio Tawan-Tawan, Barangay Poblacion, Carmen.

Matud ni North Cotabato Police Provincial Office director Joel Tangonan nga sakay ang mga biktima sa usa ka bangkang de motor patabok sa Pulangi River didto sa Sitio Tawan-Tawan.

Tungod sa makusog nga bul-og sa baha, natuwang ang bangka ug nahulog ang mga biktima sa lawom nga bahin sa sapa.

Nakalangoy pa paingon sa daplin sa Pulangi River ang tulo ka mga biktima ug naluwas apan patay na nga nakaplagan ang laing duha sa mga kaubanan nila.

Nasayran nga paingon unta ang mga biktima sa Barangay Nanga-an, Kabacan aron magdula og basketball. Apan demalas kay nalunod ang gisakyan nilang bangka.

Gipatik sa mantalaang Superbalita Davao Oktubre 22, 2017.

View Comments