Mayor Peñas, uban pang mayor motapon sa PDP-Laban | SunStar

Mayor Peñas, uban pang mayor motapon sa PDP-Laban

Time to read
less than
1 minute
Read so far

Mayor Peñas, uban pang mayor motapon sa PDP-Laban

Saturday, November 11, 2017

DIGOS CITY -- Gipadayag sa amahan ning dakbayan nga mobiya na siya sa iyang partidong Liberal Party (LP) ug mobalhin na sa partido ni Presidente Rodrigo Duterte nga mao ang Partido Demokratikong Pilipino (PDP)-Laban.

Gibutyag ni Mayor Joseph Peñas nga andam na siyang mobalhin sa partido sa administrasyon aron ipakita ang tinud-anay nga suporta sa administrasyon.

Si Peñas, dugay rang anaa sa partido sa LP ug niining katapusang termino niini pagka-mayor sa dakbayan andam na siyang mobalhin og partido.

Ang mga sakop sa League of Municipalities of the Philippines (LMP)-Davao del Sur Chapter andam sab nga mobalhin sa partidong PDP.

Si Hagonoy Mayor Conrado Laza nga pamuno sa LMP sa probinsiya kinsa midagan nga independente sa miaging piliay ang nitataw nga moapil na sa PDP.

Kahibaloang si Laza ug Peñas wa gibalibaran ni Duterte sa ilang gipangayong proyekto.

Gitakdang tukuron sa Hagonoy ang usa ka economic zone nga gihatag sa presidente.

Sa dili madugay, sugdan na sab ang konstruksiyon sa modernong city hall ug gymnasium sa dakbayan sa Digos nga gipundohan og P200-milyones sa Malakanyang.

Adunay managlahing partido ang mga mayores sa Davao del Sur niadtong 2016 elections apan ning taknaa silang tanan nagpadayag nga mokuyog na sa partido sa administrasyon aron paspas ang implementasyon sa mga plano sa presidente ilabi na ang kampanya batok ilegal nga druga. (Orlando B. Dinoy)

Gipatik sa mantalaang Superbalita Davao Nobyembre 11, 2017.

View Comments