Inahan gipusposa'g pala, patay | SunStar

Inahan gipusposa'g pala, patay

Time to read
less than
1 minute
Read so far

Inahan gipusposa'g pala, patay

Tuesday, November 14, 2017

ANTIPAS, North Cotabato -- Patay ang usa ka 62 anyos nga inahan human gipusposan og pala sa iyang anak alas 3:40 sa kaadlawon niadtong Lunes, Nobyembre 13.

Giila ang namatay nga si Sabel Cañete, molupyo sa Sitio Marang, Barangay Poblacion, Antipas.

Patay sab ang suspek nga si Allan Cañete, 36, nga dunay deperensiya sa pangisip human gipusposan sab og kawayan sa iyang paryente nga si Garry Abalos.

Matud ni Superintendent Bernard Tayong, tigpamaba sa North Cotabato Police Provincial Office, nga nangayo og lighter ang suspek sa biktima aron sunugon ang ilang motor.

Apan wala gihatag sa biktima ang lighter ngadto sa iyang anak hinungdan nga sa kasuko niini gipusposan og pala ang inahan sa makadaghang higayon.

Daling giuwang ni Abalos ang suspek apan wala gayud siya magpatuo, resulta nga gipusposan sab siya og kawayan sa iyang uyoan.

Ang biktima ug ang suspek pulos gidala ngadto sa Antipas District Hospital apan nabugtoan gihapon sila sa kinabuhi.

Si Abalos boluntaryo nga mitahan sa kaugalingon ngadto sa kapulisan human sa hitabo. (Edgar E. Fuerzas)

Gipatik sa mantalaang Superbalita Davao Nobyembre 15, 2017.

View Comments