Investigative report: Molampus kaha ang revolutionary government?

NAGBAHA karon sa social media ang hisgutanang revolutionary government human nanghulga si Pangulong Rodrigo Duterte nga magmuntar siya og revolutionary government tungod sa destabilisasyon sa iyang mga kaaway, lakip na komunistang rebelde, ug Central Intelligence Agency (CIA) sa Estados Unidos.

“If I will declare a revolutionary government, arestado kayong lahat. Hindi ako nananakot,” suma ni Duterte sa recorded interview nga gipakita sa PTV sa miaging semana.

“If I think you are about to take over the government, you destabilize the government, bantay kayo.”

Ang Presidente naglakip sa Communist Party of the Philippines (CPP) ug CIA nga nagkonsabo sa pagpalagpot kaniya.

“Sige mag-demonstrate kayo, bring it to a point na talagang tatagilid ang gobyerno. Alam ng military isa sa mga active na mag-destabilize is the communist. Do you think police and military will sympathize with you?” suma ni Duterte.

“I was elected by the people. If I sense the country is about to go overboard, I will declare a revolutionary government. Hindi ko kayo tinatakot pero hulihin ko kayong lahat, and I will declare a full-scale war against the NPA (New People’s Army),” dugang niya.

Giingon sa Pangulo nga nagtinabangay usab karon ang mga elitista aron mapalagpot siya, nagtumbok sa dakong kompanya nga iyang gigukod sama sa Mighty Corp. ug Philippine Airlines.

Human kini gipamulong sa Pangulo, daghang dumadapig niya ang mipadayag sa ilang pagsuporta.

Usa na dinhi ang Davao City-based leader sa Moro National Liberation Front (MNLF) nga si Rolando Olamit, chair of MNLF-Davao.

Sa napatik nga balita sa miaging mga adlaw, siya nagkanayon: “The MNLF supports this revolutionary government to speed up the attainment of federalism.”

Si Olamit usa sa mga organizers sa gitawag nga RevGov (Revolutionary Government) rally dinhi sa dakbayan.

Alang niya, ang revolutionary government maoy moayo sa suliran sa politika sa nasud, ilabi na sa Mindanao.

Giingon niya nga naglaum sila nga moabot og tulo ka milyon ka mga tawo ang motambong sa rally didto sa Crocodile Park karong Nobyembre 30.

Nangandam

Si Davao City Mayor Sara Duterte-Carpio nagsulti nga siya nagmando na sa tanang departamento nga panegurohon nga hapsay ang revolutionary government rally, nga himuon sa Crocodile Park karong Nobyembre 30 ning tuiga.

Si Duterte-Carpio sa usa ka press conference niadtong miaging semana nagkanayon nga siya misuporta sa mga raliyista sa ilang malinawon nga panagtapok.

Ang mayor wa pay opinyon labot sa ilang kawsa.

"I support them in the sense of a peaceful assembly, but as to the issue they are pushing, I do not understand it yet. As a lawyer I need to understand first what they want," suma niya.

Siya nagkanayon nga "how do we do it" maoy iyang dakong pangutana revolutionary government.

"As to the issue I do not have any stand or opinion yet, because I have to read something concrete about the call," dugang niya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph