Barangay ug SK elections mahinayon karong Mayo 14 | SunStar

Barangay ug SK elections mahinayon karong Mayo 14

Time to read
less than
1 minute
Read so far

Barangay ug SK elections mahinayon karong Mayo 14

Wednesday, January 03, 2018

MADAYON ang Barangay ug Sangguniang Kabataan (SK) Elections karong tuiga gawas kung dunay mahitabo nga public hearing diin ang mamahimong makababag niini mao ang Martial Law.

Kini ang gibutyag ni Davao Commission on Elections (Comelec) Asst. Regional director Atty. Marlon Casquejo atol sa AFP-PNP Press Conference, kagahapon.

Sumala ni Casquejo nga andam na ang Comelec-11 sa tanang mga butang sa pagpahigayon sa piniliay karong Mayo 14, 2018.

"Dayon ang Barangay and SK elections depende na lang kung dunay public hearing nga mamahimong ground niini ang Martial Law," ingon ni Casquejo.

Gidugang sa opisyal nga kung mahitabo ang public hearing niini ug di mahitabo ang eleksyon, padayon gihapon ang pagserbisyo sa mga kasamtangan nga opisyal bisan pa og milapas na ang mga adlaw gikan sa ilang termino.

"Still sila gihapon, hangtud moabot ang adlaw nga mahitabo ang eleksyon, ilisdan na sila," dugang niya.

Gipahibalo sab sa opisyal nga manual counting ang ipahigayon nga Barangay ug SK Elections gumikan malisdan ana ang Comelec sa pag-printa sa mga pangalan sa mga kandidato ug magdugang kini sa gasto.

"Manual lang ta, di ta mga PCOS machines, kay madugay na ang pag-print sa mga names of candidates and also, dugang gasto na sa gobyerno," butyag ni Casquejo.

Sa rehiyon onse dunay mokabat 1.2 milyones ka mga registered voters diin sa Davao City nadungagan og mokabat 9,000 ang nagpa-rehistro niadtong Nobyembre 5-13 labot niini ang SK.

Ulahing semana sa Abril 2018 ang Comelec magsugod na sa pangpangdawat og mga certificate of candidacy (COC) sa buot mopapili sa Barangay ug SK elections.

Gipatik sa mantalaang Superbalita Davao Enero 04, 2018.

View Comments