BJMP tinguhang mapadali ilang hangyo pagbalhin sakop sa Maute

NAGTINGUHA ang Bureau of Jail Management and Penology (BJMP)-Davao nga mapadali ang ilang hangyo ngadto sa Korte Suprema sa pagbalhin sa mga high-profile nga piniriso ilabi na mga miyembro sa Maute terrorist group kinsa kasamtangan nga nakadetiner sa Davao City Jail ngadto sa Special Intensive Care Area sa Camp Bagong Diwa, Taguig City.

Si BJMP-Davao spokesperson ug community relations service officer chief Jail Inspector Edo Lobenia nagsulti sa tigbalita niadtong Miyerkules atol sa senimanang tigum nga dunay pito ka mga Maute members kinsa naa pa sa sulod sa ilang pasilidad.

Tungod kay gikonsiderang high risk, ilang gihimo ang hangyo niadtong pang milabay nga tuig ngadto sa Korte Suprema alang sa ilang pagbahon, apan way tubag pa samtang gisuwat ning balita. Nanghinaut sila nga maaprobahan kini sulod ning bulana.

"Nandiyan pa rin sila because we are still waiting for the order from the Supreme Court to transfer this high-profile inmates sa ating SICA," matud pa niya.

Sa kasamtangan, aron nga malimitahan ang risgo sa pagbiyahe niining mga piniriso atol sa ilang pagtaral, nagtukod sila og korte sulod sa prisohan kon diin himuon ang pagdungog sa ilang mga kaso.

"We have already requested it and we are still waiting for the order of the Supreme Court and that is why in aid of that, we have established a court here in Davao City inside the jail facility to minimize the augmentation coming from the Philippine Army coming from the Philippine National Police para masecure ang hearing sa mga high-risk," dugang pa niya.

Gawas sa Maute groups, duna say laing mga high-profile inmates sulod sa BJMP. Dunay 47 ka miyembro sa New People's Army (NPA), 25 ka organized crime group, 7 ka Moro Islamic Liberation Front (MILF), tulo ka Abu Sayaff Group, lima ka ransom group ug usa ka political prisoner.

Pipila kanila mga tigpamomba ug tag-as nga opisyal sa NPA. Duna silay nagkadaiyang detention cell, di sama sa normal nga piniriso aron nga malikay sa "radicalization".

"There are things to be considered because the lawyers of this high-profile inmates or high-risk inmates are also lobbying not to transfer. So pinipigilan nila na ma-transfer ang inmates," dugang pa niya tungod sa pinansiyal nga isyu ug kalayo.

Sa milabay nga tuig, ang Davao City Peace and Order Council (CPOC) mipasar og resolusyon nga nangayo og tabang gikan sa Department of Justice sa daling pagbalhin sa pagtaral ug pagdetinar sa lima ka mga Maute members nga naa sa ilang pasilidad atol sa giyera sa Marawi tungod sa kahadlok sa posibleng plano sa pagluwas sa ilang mga kauban.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph