CHO naglugway sa ORI | SunStar

CHO naglugway sa ORI

Time to read
1 minute
Read so far

CHO naglugway sa ORI

Monday, February 12, 2018

NAKAHUKOM ang City Health Office sa siyudad sa Davao nga lugwayan ang Outbreak Response Immunization (ORI) alang sa tipdas hangtud sa Pebrero 17 tungod sa nagkataas nga ihap sa kaso kon diin 15 ang namatay nga mas taas itandi ngadto sa 11 nga natalang kaso niadtong Enero 23, 2017.

Si CHO Officer Dr. Josephine Villafuerte sa paghinabi kagahapon nagsulti nga nakatala sila og pagkamatay sa Barangay 23-C, Matina, ug Toril.
Dugang pa niya nga ila sab nga namatikdan ang pagtaas sa gidudahan nga kaso gikan 299 hangtud 312.

"Hindi natin masabi na bumababa kasi kung titingnan natin ang epidemic growth na sinusundan naming, paakyat pa lang siya, saka pa naming masabi kung pababa ang curve," butyag pa niya.

Gikanayon ni Villafuerte nga mga bag-ong kaso natala sa Barangay 23-C kon diin dunay pinakataas nga ihap sa natalang kaso sa tipdas.

"Hindi pa rin masabi na zero siya, kasi meron siyang new cases," matud ni Villafuerte.

Iyang gipahibawo nga kasagaran sa mga bag-ong kaso nagagikan sa mga panimalay nga dunay daghang namuyo kon diin ubang mga inahan sa usa ka balay mibalibad nga ma-immunize ilang mga anak.

Puno pa niya nga sukad niadtong milabay nga Biyernes, nakahimo na sila og 112,000 ka ORI sukad niadtong Pebrero 9, 2017.

Gipaklaro niya nga ang padayon nga "interventions" niining "outbreak" naglangkob sa pagpanghatag og Vitamin A aron nga makapadugang og resistensiya ug padayon nga immunization sa health centers alang niadtong wala pa magpahimulos sa bakuna.

Tug-an niya nga usa ka tim gikan sa CHO milusad sab og laing hugna sa immunization niadtong Sabado ug Dominggo sa Buhangin ug Callawa. (KVC)

Gipatik sa mantalaang Superbalita Davao Pebrero 13, 2018.

View Comments