Ginang naninda'g P157,500 shabu | SunStar

Ginang naninda'g P157,500 shabu

Time to read
less than
1 minute
Read so far

Ginang naninda'g P157,500 shabu

Tuesday, February 13, 2018

MOKABAT sa P157,500 ang kantidad sa gituohang shabu ang nasakmit gikan sa posisyon sa usa ka ginang atol sa drug bust sa Talomo Police Station niadtong Lunes sa gabii.

Ang suspek nailhang si Ruth Basiliote Ruden, 48, walay trabaho ug residente sa Santo Cristo Street, San Roque, Barangay Daliao, Toril, Davao City.

Si Chief Inspector Ronald Lao, hepe sa Talomo Police Station, nagbutyag nga usa ka high impact operation ang ilang gihimo batok sa suspetsado human sa mga adlaw nga ilang gisundan ang lihok niini.

Human nagpositibo nga mobaligya siya og shabu sa nagtakuban nga pulis, gilayong gihimo ang operasyon ug malampusong nasikop ang suspetsado.

Upat ka mga dagkong pakite sa gituohang shabu ang nakuha sa posisyon sa dinakpan ingon man ang marked money.

Kasong pagsupak sa Republic Act 9165 kun Comprehensive Dangerous Drug Act of 2002 ang ipasaka nga kaso batok sa suspek didto sa korte. (Jeepy P. Compio)

Gipatik sa mantalaang Superbalita Davao Pebrero 14, 2018.

View Comments