Resulta sa imbestigasyon sa sunog sa NCCC Mall gisumite na

ANG Interagency Anti-Arson Task Force (IATF), gitahasan nga maglusad og imbestigasyon sa sunog sa NCCC Mall, nisumite na sa pinal nga report sa ilang imbestigasyon sa insidente ngadto sa Department of Interior Local Government (DILG).

Si IATF deputy team leader and spokesperson Fire Superintendent Jerry Candido nagkompirma kagahapon sa pakighinabi nga ila nang gipadala sa buhatan sa acting secretary sa DILG ang report sa sunog nga gikamatay sa 38 ka mga tawo.

“Yes, this morning,” suma ni Candido dihang gipakisayran sa SunStar Davao.

Ang task force gilangkuban sa representatives gikan sa Department of Interior and Local Government (DILG), Bureau of Fire Protection (BFP), National Bureau of Investigation, Department of Justice (DOJ), ug Criminal Investigation and Detection Group (CIDG 11) sanglit ang coverage sa sunog di na sakop sa hurisdiksyon sa BFP regional office.

Sa pakighinabi niadtong Marso 1 sa pag-abli sa Fire Prevention Month, si Senior Superintendent Wilberto Rico Neil Kwan Tiu nagkanayon nga ang task force naghangyo nga lugwayan ang pagsumite sa kinatibuk-ang report.

Ang lokal nga gobyerno pinaagi ni Mayor Sara Duterte-Carpio naghulat na sa resulta sa imbestigasyon sa sunog. (Juliet C. Revita)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph