ISIP pinakadakong dakbayan sa land area sa Pilipinas, ug karon, maoy pinuy-anan ni Presidente Rodrigo Roa Duterte, ang Davao City nagpadayon sa paglambo sa ekonomiya ug imprastraktura.
Si local Historian Rogelio Lizada nagsulti nga ang pulong Davao produkto sa phonetic blending sa pinulongan sa tulo ka Bagobo subgroups nagtumbok sa Davao River.
Ang Obo nagtawag sa sapa nga Davoh.
Ang K'lata (Obo-Ata mestizo), Diangan o Guiangan (Obo-Bagobo mestizo) nagtawag sa sapa nga Duhwow.
Ang Tagabawa Bagobo nagtawag niini nga Dabu.
Commonwealth Act No. 51
Niadtong Marso 1, 1937, walo ka dekada ug usa ka tuig ang milabay, ang Davao nahimong dakbayan pinaagi sa Commonwealth Act No. 51 nga gipirmahan ni kanhi Presidente Manuel Quezon.
Ang bag-ong dakbayan gikan sa gihiusang munisipyo sa Davao ug municipal district sa Guianga.
Ang paspas nga progreso sa ekonomiya nagsugod sa unang katuigan sa 1900s ilawom sa pagdumala sa mga Amerikano dihang ang mga dalan, telegraph lines ug pantalan ang gimuntar.
Milambo kini pagsud sa mga migrante gikan Luzon ug Visayas uban sa mga Chinese, Japanese ug Amerikano.
Ang dakbayan sa iyang unang katuigan gidumala sa mga pinili nga lider — Santiago Artiaga gikan 1936 ngadto 1939, Agustin Alvarez gikan 1939 ngadto 1940 ug Pantaleon Pelayo, Sr. gikan 1940 ngadto 1942 ug gikan Mayo ngadto Disyembre 1945.
Japanese occupation
Ang mga Hapon miabot sa Davao niadtong Disyembre 20, 1941 nga mikontrola sa dakbayan.
Mga mayor niadtong Japanese occupation mao sila Alfonso G. Obonza, Sr. (1943 ngadto 1943), Melencio Sarenas (1943 ngadto 1944) ug Donato C. Endriga (1944 ngadto 1945).
Dalan sa kalambuan
Niadtong 1946, ang Davao Light and Power Company, Inc. gibuhi pag-usab bisan ilang makinaryas nadaut ikaduhang giyera sa kalibutan.
Laing establisemento ang giablihan sama sa San Pedro Hospital (1948) and the Apo View Hotel, ang unang taas nga building sa dakbayan niadtong 1953.
Dayon misunod sab ang mga eskwelahan.
Sa 1955, ang Republic Act 1368 gipirmahan nga naghan-ay sa eleksyon sa City Mayor, Vice Mayor, ug 10 City Councilors.
Niadtong Nobyembre 1955, ang unang local city elections ang gihimo ug si Carmelo Porras ang napili nga Mayor sa unang higayon.
Si Elias Lopez, usa ka Bogobo, napili nga City Mayor sa 1967.
Siya nagsilbi isip mayor gikan 1967 ngadto 1971 ug 1980 ngadto 1986.
Big Three
Sa 1967, ang Davao Province gibahin sa Davao del Norte, Davao del Sur, ug Davao Oriental.
Ang Davao nahimong regional capital sa southern Mindanao, nahimong regional capital of the Davao Region ug highly urbanized city sa Davao del Sur.
Ang dakbayan nagpadayon sa paglambo sa 1970s.
Sa 1980s, ang dakbayan nakasinati og kalisdanan sanglit nahimong laboratoryo sa urban guerrilla warfare sa New People’s Army.
Niadtong 1986, human sa EDSA Revolution, ang bag-ong gobyerno ilawom ni Presidente Corazon Aquino nagpili sa OIC officials sa tibuok nasud: Davao nagkuha ni Jacinto Rubillar (1986-1987) ug Zafiro Respicio (1987-1988).
Rodrigo Duterte
Sa 1988 eleksyon, Rodrigo Roa Duterte, kanhi fiscal ug anak sa katapusang gobernador sa Davao Province, nahimong prominente.
Napili siyang mayor Davao City sa tulo ka termino hangtud 1998 ug karon Presidente sa Pilipinas.
Sa iyang pagdumala, nagmalinawon ang dakbayan nga maoy hinungdan sa paglambo sa ekonomiya. Misamot karon tungod sa suporta ni Mayor Sara Duterte-Carpio ug mga opisyales sa dakbayan. (PR)