NAGMANDO karon si Davao City Mayor Sara Duterte-Carpio ngadto sa mga buhatan sa City Administrator ug City Environment and Natural Resources Office (Cenro) nga susihon ang mga establismento nga nagnegusyo nga way legal nga dokumento.
Ang mayor usab nagsulti nga kini dugang sa iyang mando sa paggukod sa illegal quarrying nga nakadaut sa kinaiyahan.
“Very recently nag-instruct ko sa City Administrator's Office and sa City Environment and Natural Resources Office, number one against the massive illegal quarrying, mga business establishments operating without necessary permits and licenses,” suma ni Duterte-Carpio sa pakighinabi kaniya atol sa Parada Dabawenyo kagahapon sa Rizal Park, San Pedro Street.
Si Duterte-Carpio nipaambit nga tungod sa paglambo sa industriya sa turismo sa Marilog District, usa ka pribadong sektor ang komitado nga magsemento sa kalsada diin nagabisita sang mga turista.
Nahuman ang commitment sa atong private sector partner nga i-semento ang kadtong area nga daghan og vacation resorts and our cultural village, suma niya.
Ang dalan gikan sa Sitio Patag nga giilang tourism area sa Marilog. (Juliet C. Revita)