40 anyos gipusil, grabe
-A A +AWednesday, September 22, 2010
USA ka 40 anyos nga lalaki gipusil didto sa Chapter 5, Barangay Aplaya, siyudad sa Digos ug anaa karon sa malisud nga kahimtang.
Giila ang biktima ni Senior Police Officer 2 Roland Dagondon nga si Jolito Dagodog alyas Dodo Ero, ug lumolupyo sa nahisgutang lugar.
Post your reaction to the Manila hostage crisis
Sumala sa gihimong pakisusi ni Dagondon, banda alas 8:40 ang takna sa milabayng gabii, kalit lang nga gipusil ang biktima sa wala mailhing mga armadong tawo gamit ang wala matino nga matang sa armas.
Dali nga gitabang ang biktima ug gidala sa Davao del Sur Provincial Hospital (DDSPH) apan tungod sa malisud nga kahimtang girekomenda siya nga ibalhin gilayon ngadto sa Southern Mindanao Medical Center sa Davao.
Mga sakop sa Digos City Police Office (DCPO) nagkanayon nga naglibog sila unsay motibo sa pagpamusil ug kinsa ang mga armadong suspek.
Gumikan niini, nihimo og makuting imbestigasyon ang kapulisan aron masuta ang tinuod nga motibo sa pagpamusil. (Dondon Dinoy)
Gipatik sa mantalaang SuperBalita Davao Septembre 23, 2010.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
