Kawani sa NIA gitipi
-A A +AWednesday, October 6, 2010
USA ka empleyado sa National Irrigation Administration (NIA) said Soccsksargen ang gipusil patay sa mga armadong grupo sa alas 3:00 sa hapon niadtong Martes didto sa probinsiya sa Sultan Kudarat.
Nailhan sa kapulisan ang biktima nga mao si Peter Macatinding, 43, minyo ug molupyo sa siyudad sa Tacurong.
Sa nahagpat nga taho gikan sa Sultan Kudarat Police Provincial Office, nasayran nga gisusi sa biktima ang irrigation dump sa Barangay Piluba, Lambayong, nga nadaut sa baha.
Pabalik na unta si Macatinding sa ilang buhatan sa siyudad sa Tacurong sakay sa iyang motorsiklo sa diha nga gipusil siya sa wala mailhing nag-atang nga mga armadong kalalakin-an gamit ang kalibre .45 nga pistola.
Patay gilayon ang biktima sa diha nga natusak-tusak sa mga bala ang nagkadaiyang bahin sa iyang lawas samtang ang mga suspetsado dali nga misibat paingon sa wala matino nga dapit.
Gitahasan na ni Sultan Kudarat Police Provincial Director Teng Tucao Mamalinta ang Lambayong pulis nga tutukan pag-ayo ang kaso.
Giangkon ni Mamalinta nga hangtud karon blangko pa ang mga otoridad kon kinsa ang suspek sa pagpusil patay kang Macatinding. (Edgardo Fuerzas)
Gipatik sa mantalaang SuperBalita Davao Oktubre 07, 2010.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
